الهيبة طبع الرجال
الهيبة من طبع الرجال واحنا بهيبتنا اساس
حضورنا يلفت الانتباه كاتمين على الانفاس
سيرتنا زى الدهب تاريخنا مضيء ده زي الماس
واللي يعاملونا بيحبونا وبيشيلونا ع الراس
العز فينا اسال علينا هيقولوا ياما حكايات
الكل يعرف احنا مين سمعنا في الدايرات
باشوات وفاهمين الاصول لينا فى الجبال علامات
فرق كبير بنا ومابين اخصامنا في مسافات
احنا الفخامة والسيط وانتم عيال هلافيت
اخركوا في استوريهات اساتذة في التكريت
انتوا محصلتوش روحتوا وجيتوا على فاشوش
مهما وصلتوا رخاص هلاهيل ماتتذكروش
احنا ومفيش غيرنا والكل شاف خيرنا
واللي بيحتاجنا بيلاقي تقديرنا
رجولة وشهامة شياكة وفخامة
عايشين بنفسينا رياسة وزعامة
ولاد ذوات وشبعانين وعنينا مليانة
جدعان ودايما شقيانين والدنيا حابانا
اسامينا عالية زي النجوم عالدوغري دي حصانة
السيرة اطول م المسيرة وسيرتنا سابقانا
دي كفاية طلتنا تخض وتلفت الانظار
دايما في كتف بعض ويارب عينا على المشوار
ومستحيل يدخل مابينا حد وعددنا تتار
شيلتنا اجدع شلة ولقبونا باسود الكار
اخصامنا مش باينين قصادنا مبكسلين
مكانا فوق ع القمة وهما مش واضحين
جامدين عليكوا ركبنا اخدنا السوق لحالنا
مافيش مقارنة مابينا عطلتوا واحنا وصلنا