الشوق وداني
يا راكب اللي ليامنه درج ويله
كل المواتر خلاف ولا تعداني
اقول اباوي واثرني مقدر اويله
الصبر مني نفذ والشوق وداني
اسري مع الليل لاضاعت دواليله
ياما قطعت الدير والصبح ماباني
من فوق جيب كويته مابرد حيله
ماجاه من سوق رجلي كثر ماجاني
الحب وشهو ليا خفت مواصيله
عذاب قلب منه جريت الالحاني
ولا ارتاح لين اصل لنجد ومداهيله
يانجد ماجيتي لربعي بمجاني
جينا مثل صادق المزن ومخاييله
واد هوج شال ماقدمه وحدماني
ابراي شيخ مايلقى في مداخيله
راي موفق ورد الفعل رناني
لين اتسع نجد وقفت نوازيله
وصبت فناجيل نصرن فوح رسلاني
ونحرتها اللي فرق بزين في جيله
الجسم راوي معزل بطن جوعاني
ابو جديل ليا فك لخلاخيله
وعيونه العكش طرف العين نعساني
في خدها برق وسم ساريا ليله
شدو مع الصبح له روقي وشيباني
وتصادفو مع طروش جاتك محيله
من نجد مشمل وسم عتبان من داني
في شف بوش لا عرض قال منهيله
بواتل مرع فيهن عرق رماني
البدو تطرب على شوف الحياء زيله
وانا عذابي من الي عام عناني
ياشبه وضحا معي ماجتني دخيله
ورث من ابوي تزها وسم جداني
اطول من السقس لاقامت تباريله
فيها حلا مع حياها خرع الاذاني
تدجر على جرت الصوت وهوابيله
تفك مقهورها من وسط رعياني
الله يستر على الذود ومشاويله
عوبا خذت جلها واثعت بحيراني
اداري الهن وهي قلبي تداريله
مسليت خاطري لا جيتها عاني