خاطري
يمر بخاطري طيفه بلا موعد ولا تفسير
تملكني خيال عذب بناله صرح بالوجدان
تعبت اخبي شعوري وانا عاجز عن التعبير
تعبت امل حابسهم طيور الخافق الشفقان
احبك يا هوى بالي كثر متعب من التعبير
كثير الحب في ظنك يساوي عندي النقصان
ابيك تشوفني بقلبك ترا بقلبي تساوي كثير
مكانك يسبق العالم ولا يوصل غلاك انسان
اغار ان مرت عيونك على غيري واحسك غير
طموحي في عيوني انت مكانك دم بالشريان
لقيت الحب في وصلك وانا اسف على التأخير
نسيت الهم في قربك نسيت الجرح والاحزان