دلوني

دلوني يهل الرحم صارت علي معضلة
وين الگه صاحب وفي والسعر مو مشكلة

دورت ما حصلت بالدنيا وبكل كتر
معقولة ماكو ابد والناس هاي شكثر

مليت من هالبشر ماشفت واحد كفو
يحچون عن الوفة بس همة كلهم لفو

لتشيلة فوگ الظهر وظهرك عليه ينكسر
هوه اليگصك ترة ومن عندة تشبع غدر

صحباني ماتنحسب واهواي عندي ربع
بالشدة من التفت ما الگة منهم ربع

مابيهم احد وفه ولا غزر اوياه ملح
ياكل اوياك العشة وايبيعك امن الصبح

ماضل بعد مستحة والغيرة صارت صفر
وي عالم المصلحة شيخلصة هذا العمر

صحبان هذا الوكت ما بين سطر وسطر
وياك يمشي الدرب ويعوفك اول شبر

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.