انهد حيلي
انهد حيلي من غلاته وش الشور
يصيح قلبي كل ليلة يناديه
مغرور وين الله بلاني بمغرور
مقدر على بعده وانا مبتلي فيه
عيني تهل الدمع لي طلعة النور
وامسح بصبري دمع عيني واداريه
لو صحت باعلى الصوت والله معذور
يمكن اداوي جرح قلبي بطاريه
مانيب والله في هوا الزين مجبور
الشوق قاويني ولا نيب قاويه
والله لو هو وين ما كان مذكور
لروحله وابوس راسه واراضيه
ياهل الهوا شيرو ترا القلب مقهور
سوا بقلبي شي محدن يسويه
وان كان ماشرتو انا عندي الشور
ادعي عليه الله بالشوق يبليه