سنين كتار

الندم مش كلمة كافية عاللي حاساه في الحقيقة
مهما احاول ذوق وعافيه انسى مش بنساك دقيقة
مين كان يقول اتعب كدة واندم عليك بالشكل دة

الوجع بقي صاحبي بعدك والحياة في غيابنا واقفة
ايوه انا اللى اخترت بعدك بس انا صدقني اسفة
سبتك وقولت انا قدها وبموت خلاص من وقتها

ارجع بحق سنين كتار عشناها يوم بيوم سوا
افتحلي باب للاعتذار شاور وانا هجيلك هوا

مهما قابلت وشفت ناس مين يملى بعدك يوم عينيا
والدنيا في غيابك خلاص ردتلى ميت مرة الاذية
مش عايزة غير لحظة لقا ارجع بقي وحقك عليا

مش هجمل ليك في شكلي او هبرر اى غلطة
بس انا تعبت ومشاكلي حلها في رجوعك انت
حضنك بجد اشتقتله ومبقتش عارفة ايه اعمله

كله بيلاحظ كبتي واني من غيرك بعاني
نفسي كلمة يا حبيبتي منك اسمعها بوداني
وافتح عينيا الاقيك هنا وارجع اعيش مطمنة