فد شي
فد شي اكو بگلبي الك ما ادري شسمه
حب لو تعلق لو عشگ لو غير كلمة
من الهوا اللي بدنيتي انت اغلى نسمة
من حبي احضن بالهوى مو بس اشمه
بالحب عرفتك شوگ وحضنتك
ماتسوه هالدنيا فلس لو ما حضرتك
يلي من اخذتك روحي اعتبرتك
كئيبة تبقه دنيتي لو ما ضحكتك
الف وواحد حاولوا بس يبعدوني
غمضت عيني واطلعت ساكن عيوني
مختلف انته بداخلي جدا لعلمك
ونص حبي هذا الي الك ماحبته امك
محتار اكتبك ع النبض لو بيه اوشمك
خاطر اشوف اسمك واضل ابوسن اسمك
گد ما هويتك بالدم لگيتك
بديت انا بعمري لان بالحب بديتك
يا الگلبي بيتك بغالي اشتريتك
نسيت روحي وانته ابد لا مانسيتك
الف وواحد حاولوا بس يبعدوني
غمضت عيني واطلعت ساكن عيوني