كلمات قصيدة كالبة الدنيا رنين تبوني
كالبة الدنيا بجمالي ومستواي
شي اكيد الما وصل مني يغار
اسمي بانيته باحاسيسي ودموعي
يذمني حقه الاسمة باني مستعار
طبعي لبوة ومن اصيد اعرف شصيد
مو مثل غيري التقشمر بزغار
اني اتنافس فقط وي النجوم
من زمان اهوة اللعب ويه الكبار
واني اذا ذميت اذم بس اليخون
طبعي ماجامل واكول الجنة نار
عايشة ابياتي ترافة وصوتي ناي
الذابل اليسمعهن يحس بالخضار
وما احب البلحجي يطول الكلام
من زمان اهوة اليسولف باختصار
ولذلك اشبه لسان الفقير
وكل كلام الكلته صح وحكمة صار
ادري يكرهني اليعيش وي الظلام
هوة طبعه اليل ميحب النهار
عاشكة اسلوب التواضع من زمان
بس على المغرور لا نار وشرار
هذا طبعي ونيتي جن جنح الطيور
كلب ابيض واعشك اطباع السمار
اني سالوفة هوة يم الحبيب
شما يتعبني العشك ماعندي ثار
عراقية بطبعي من اعشك اموت
واليموت على العشك هذا انتصار
شنهو نفعة الكلب لو ما بي حبيب
السجة خرسة تصير اذا غاب القطار
شايفة بروحي واحب نفسي بجنون
وياك بس اتنازلت عن القرار
عمري خلص حضي كاعد واني اطير
بيوم شفتك اني طرت وحضي طار
وصرت كلشي بروحك وكلشي انه بيك
وانه علمتك دروس الدور دار
واني بيدك صرت طينه بمشتهاي
واني كتلك كلشي تؤمر كلشي صار
وانه دليتك درب كلبي ونسيت
كل حجي الشمات والمن عندي غار
هاية دنية وما اامن باليطير
اس ولا كلمة الجرح زاد الحمار
وراح اذكرك بالحجي الكتلك علي
من زمان اهوة اليسولف بختصار