كلمات شيلة يالله بنون ماجد خضير
كلمات شيلة يالله بنون ماجد خضير مكتوبة كاملة
يالله بنون من بداية مناشيه
من قو برقه والرعد منه ينخاف
ولا فيه شبرن في السماء غير الغاطيه
كن الملك ينشر على اطرافها الحاف
واليامشى كن الهوا مزرين فيه
مثل الحجيج اللي تداحم بالاكتاف
والياوصل دارن بها الله ناويه
كنك مولع فوق اهلها بكشاف
صفق الهوا قدمه يرده لتاليه
ماكنه الا اللي على البيت يطاف
واليانهمر قامت تضمه مجاريه
ضمت يدين اللي من الهجر منلاف
ماكنه الى اخون يبا اخوه يرضيه
بينه وبين اخوه من مده خلاف
منه الثقيل يحمد ربه ويدعيه
ومنه الخفيف يذبله راس مشراف
يفرحبه اللي راس ماله مواشيه
ويضيق منه اللي يبيعون الاعلاف