كلمات شيلة نهايات الهوى سالم الهاجري

يا ليل يا ليل العذاب شف خاطري المجروح طاب
لا عاد تلحقني عتاب هذي نهايات الهوى

جفني تحداه السهر قد لي من الراحة شهر
وش عاد باقي ماظهر من سبة اجروح الهوى

ياهيه يالطاري القديم ماللنديم الا النديم
اعشقك والله العظيم لا تجحد اسلوم الهوى

في غيبتك عفت الحياة ضاقت مع كل اتجاه
ياللي موريني جفاه هذا جزى راع الهوى

ايسوقني طاريك سوق لازم تبادلني الحقوق
لا صار لك في القلب شوق عطني مراسيل الهوى

من عام الاول محتريك احن لك جدا وابيك
تعال قلبي مات فيك كله على شان الهوى

هجرك وصدك مايطاق دمعي نزل والقلب ضاق
ان كنت ناويها فراق وش مسكك درب الهوى

يعني نهايتنا كذا هم وتعاسات واذى
الله عطا والله خذا وش تالي ادروب الهوى

الله يعين العاشقين الحب هم ودمع عين
وش حيلة القلب الحزين لا ضاع في درب الهوى

معلومات و تفاصيل