كلمات شيلة حلمي الراحل ممدوح الشدادي

حلمي الراحل شيلة حزينة جاء فيها ما يلي

يا مذكرني بكل اللي مضى فاول حياتي
تدري انه كم سؤال الموت الاحمر في جوابه

دورة الايام تستنطق كثيرين السكاتي
مثل ما تلجم مشاكلها فلاسفة الخطابه

السنين اتقرب المبعد وتبعد بالمواتي
والضروف اتهيب اصحاب المكانه والمهابه

حاربتني حرب ابو زيد الهلالي للزناتي
واسرفت في جورها واستاقت امالي نهابه

حاصرتني ضيقة الخاطر من الاربع جهاتي
رغم ما في راسي امن المرجله وامن الصلابه

ومن تحت بند الكرامه ضاعت اعز امنياتي
والسلوم احيان للرجال اشد امن الحرابه

حلمي الراحل وانا مرخص له اعظم تضحياتي
قصته تاخذ من الواقع وتعطي للغرابه

فالبداية كنت اكابر واحسب اللي راح ياتي
واستلذيت الجروح اللي سببها من غيابه

ولا ذبحني غير شد الحيل واللي فات فاتي
وادري ان كسر العزوم اقو من كسر الاصابه

طاح سور الصبر و اوهام الثقه راحت شتاتي
والهقاوي جف ماها والامل نوخ ركابه

والضريح اللي على قبر المشاعر لو يحاتي
يصرف اهل العلم عن حب القرايه والكتابه

كل ما سجيت من خوف التشره والشماتي
تكشف اوضاعي عيون الوقت لعيون القرابه

احضنيني يا هبوب النود عن تانيب ذاتي
وحرري صدر من الضيقه نسي طعم الرحابه

بري حالي ليت لي حيله وافرمت ذكرياتي
واستعير امن الفرح مايرجع العقل ال صوابه

معلومات و تفاصيل