يا غرامي

يا حياتي ويا غلاي ويا غرامي
الله جابك نور ولعيني سنا

يا احتياجي ويا حياه ويا اهتمامي
ما عنك صده ولا عنك غنى

في وجودك ليه انا اكمل كلامي
اعشقك من الفرح لين العنا

اشبهك في كل شي الا الاسامي
يا انا يا انت يا انت انا

يا شموخ يا كرامه يا احترامي
لين كفي طاول النجم وجنا

يا سمو ويا طموح ويا التزامي
من عرفتك كل هالعالم فنا

يا فديتك من هنا مليون عامي
وكل عام زيد العام بهنا

انت اغلى ومن غلاك لا الامي
انت اغلى م الحياة و م الضنا

يا سحاب ويا كرم ان جيت ضامي
صرت بعيوني مثل وادي بنى

قلب اصايل عن هوى الباقين صامي
وانت عنهم تغني فؤادي غنا

روضتك عين الغلا لا ما تنامي
لين غيرك قال بس الله لنا

انت حبك مستحيل انه يسامي
زاد حبك كل ما العالم شنا

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.