كلمات اغنية وهزعل ليه مصطفى الشعيبي

وهزعل ليه حاجة متعود عليها غلطة ياما وقعنا فيها
مش بإيدي يعني ايه اللي وصلت ليه

قولي مين ماغلطش يعني
قصدي لو حابب تبيعني تفتكر هقولك ايه

هعمل ايه مين محبش حد سابه واتوجع حبة لغيابه
مين ما نامش في يوم دموعه دي في عينيه

كله جه يوم كان مكاني قصره مش لاقي المعاني
اللي توصف اللي فيه

مش محتاج صدقني كلام سيبني اتعلم م الايام
كان ناقصني دروس واكيد جه وقتها

ماتفكرش تقول اسباب مش بنموت لما بنتساب
واعتبرني ذكرى بايخة مسحتها

هتفرق ايه لما تشرح ليه سايبني ليه تقولي كلام يعيبني
مش ظريفة بردو تبقى نهايتي دي

بردو كات عشرة وصداقة سيبنا ننهيها بشياكة
يعني بس هتخسر ايه

عايز ايه مش بقولك خاف عليا بس ماتسيبنيش ضحية
انت مش حاسس بتعمل فيا ايه

يعني دة هيكون جزائي عادي استحمل فراقي
بس سيبني في اللي فيه