هجينية الوسم – حامد الضبعان
الوسم ما به مقاعيدي
ياللي سمع صوت رعاده
بالبر انا ونسي و عيدي
والله ما اخلف العادة
ربعي هل البر والمقناص
نبي الحدود الشمالية
اهل السفاري واهل الشاص
مابين اعيوج وزعبيه
ريح المطر يشرح الخاطر
من حد خضراء الى لينة
وبدرب الجمل تشبع الفاطر
و قعر النحو زايد زينه
عسى الحيا يسقي الصمان
و حلالهم هالسنة يشبع
وفيضة رضيان والهيمان
طيورها تصدح وتسجع
ولا ربعت روضة مهنا
ومن الغضى السيل للزلفي
خل البلد يا ولد عنا
قعداتنا الصيف به تكفي
ومن الحفر لابرق الكبريت
زانت لاهل المكاشيتي
لا جا لها طاري فزيت
يا ليتني حولها ليتي
يا زين لا ربعت عمان
واربد و عجلون و هضابه
والعشب في وادي الريان
يطرب به اللي تمشى به