كلمات اغنية هتقول لربنا ايه انغام

البوم : حالة خاصة جدا

كلمات : الشاعر امير طعيمة

الحان : الملحن مدين

توزيع موسيقي : الموزع احمد ابراهيم

ماسترينغ : مهندس صوت امير محروس – استوديو ام ساوند

تاريخ الطرح الرسمي : 20‏/02‏/2019

هتقول لربنا ايه لما تقف يوم بين ايديه فكر شوية في السؤال دة قبل ما تجاوب عليه

هتقول خنتها علشان كانت على نياتها هتقول مافيهاش حاجة ان انا دمرت حياتها

هتقوله يا رب اصلها تستاهل نهايتها علشان حبيتني ووثقت فيا وهعمل ايه

هتقول من كتر ما ضحتلي مليت منها وعملت انا كدة علشان ما ابعدش في يوم عنها

هتقوله بسيطه ومحسيتش اني بخونها موضوع مش مستاهل اصلا اتكلم فيه

هتقول لربنا ايه لما تقف يوم بين ايديه فكر شوية في السؤال دة قبل ما تجاوب عليه

هتقول كانت بتغير وبحبها خانقاني و بغير جو عشان لما ارجعلها تاني

يتجدد شوقي واحس انها كدة واحشاني كل اللي عملته عملته عشانا احنا اللي اتنين

هتقول انك مانتاش ندمان ومعاك عذرك وهتقدر يومها تدافع عن وجهة نظرك

صدقني يوميها مفيش غيرك هايشيل وزرك وريني ساعتها انت هاتعرف تكدب على مين