كلمات اغنية نار العشق احمد ال شملان

الله يسمح درب خلي ويهديه
والله على ذكرى الليالي القديمة

روح وانا كل الجوارح تناديه
وصبري تحداني وقلبي نديمه

انا اشهد انه من سبايب تغليه
اللي توصى بي عذاب وحريمه

كنت اتناسى عاذلا كان يطريه
ما يدري ان نار العشق مستهيمة

ما ودي اني في سؤالي اعنيه
لو ارتكب في حق حبي جريمة

ما به مبرر يشرح اللي يسويه
غبني على قلبن عروقة حطيمة

يا وقت ماضي قد سهرنا لياليه
نور القمر مشرق علينا سديمة

ليته رأف في خافقي قبل يأذيه
ما دام يدينه بجرحي اثيمه

ارخصت له عمري وكل شيء يفديه
ما به بحبه انتصار وهزيمة

اشفق عليه وكل وقتي اراضيه
ولا يعتبر قدري ولا فيه شيمة

تدري وش اللي خاطري صدق يكويه
انه سمع لاهل الكذب والنميمة

ليت السعادة في يدي ثم انا اعطيه
لو تصبح عيوني بعدها عديمة

دام المفارق رغبته ما اقدر اثنيه
لو كان قلبي محترق من صميمه

يا ربي انك في حياته تهنيه
اللي ضلوع الصدر بعده هشيمة

معلومات و تفاصيل