يا بتاع النعناع يا منعنع

يا بتاع النعناع يا منعنع
هات هدية للمتدلع اتدلع

اللي سايب قلبي يولع وبعذاب قلبي بيتمتع
واما اجي اقوله اقابلك يتمنع

نور عيني قلبي من جوة مين غيره وغيره مين هو
دة تاعبني وبرضو عاجبني ولا حول ليا ولا قوة

يا بتاع السكر يا مسكر
ليل نهار في حبيبي بفكر يا مسكر

طال غيابه عليا وكتر اكتر من كدا مش هقدر
واما اجي اقوله اقابلك بيكبر

يا بتاع السمسم يا مسمسم
القوام حلو ومتقسم متقسم

لما عطره الحلو ينسم الحياه في وشي بتتبسم
واما اجي اقوله اقابلك بيافلم

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.