كلمات اغنية فراق اخير محمد شحاتة

زي اللي فات بنعيد فراق والمرة ديا فراق اخير
حكايتنا زي فيلم محروقة فكرته وشوفناه كتير

مافيهوش جديد ابداعه قل البركة فينا
احساسنا من احداثه مل قصاد عينينا

خلاص مبقتش بنسالك كلامك عكس افعالك
ومش هندم في بعدي كمان حكاية مكانها في النسيان

لو نقطة قبل الصفر بعدك تاني هبدا منها
اهون كتير من الف خطوة اخدها واندم بعدها
مبحبش ادي نهاية اكبر من مقامها وحجمها

قصر الكلام مبقتش بضعف او بمل في وحدتي
ع النقطه ديا ماتعتمدش مفيش امل من ناحيتي
وانا لو غلطت بقربي ليك واجب اصلح غلطتي

قصتنا فين خلصت خلاص كان نفسي نحكي في يوم عليها
وخلافنا زاد عن حده ليه والقسوة ياما بالغنا فيها

عود عينيك بكرة انها مش هتلاقيني
انا قبل منك من زمان عودت عيني

خلاص مبقتش بنسالك كلامك عكس افعالك
ومش هندم في بعدي كمان حكاية مكانها في النسيان

زمان كان ممكن اصفالك وتعمل فيا ما بدالك
لكن دلوقتي صعب خلاص مفيش جوايا ليك احساس

لو نقطة قبل الصفر بعدك تاني هبدا منها
اهون كتير من الف خطوة اخدها واندم بعدها
مبحبش ادي نهاية اكبر من مقامها وحجمها

قصر الكلام مبقتش بضعف او بمل في وحدتي
ع النقطه ديا ماتعتمدش مفيش امل من ناحيتي
وانا لو غلطت بقربي ليك واجب اصلح غلطتي

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.