على الموعد

على الموعد مشى بوكته راح وباس راس اخته
اخذ روح الفواطم من اخذ جوده

سلم ع الحرس وابعد صار الظهر لونه اسود
مشه واثق الخطوة يوافي بوعوده

مشه وعيونها بظهره رافع رايته الخضرة
ماطبت الخيمتها بقت بالباب تنتظره

وصل بس ذبحوا سنينه عمت عيني عموا عينه
ما جابن الماي وياه ترك ع النهر جفينه

قلب زينب قلب يعلم ام واخت للكافل
شالت راسها وصاحت طبروا راس ابو فاضل

درت قبل الخبر طايح وطاحت من بواجيها
للعباس زينب عين بس طب السهم بيها

وعدها وكطعوا انفاسه اخوها وتعرف احساسه
لو بيده يجيب الماي لو فوك الرمح راسه

وكفت من وكف عمره بدت تذكر العشرة
الله يعينها العدها مثل عباس وتخسره

بدت تسترجع ايامه تلم بيهم كسر جامة
جانت امنيتها تروح كون اطيح كدامه

تذكر قبل من جان مشغول بكفالتها
يوديها الحزن للغيم ويردها على خيمتها

اذا ونت واذا حزنت واذا بينت مكسورة
واذا بعد تريد تموت اخت عباس معذورة

بسمها من يصيحوله اخو زينب يكلوله
ضل بعينها الكافل جبل ما طاح من طوله

كلمات و الحان	علي الدلفي
توزيع موسيقي	علي غازي
ماسترينغ	سلوان الناصري
تسجيل	شركة الخليج للانتاج والتوزيع الفني
مدير التصوير	محمد السيلاوي
مونتاج والوان	سلام البديري
تصوير	محمد غني
ماكير و كوافير	مصطفى المثير
اشراف فني	كرار الساعدي
اخراج	سلام نجم الربيعي
اشـراف عـام و انـتاج	بشار الساعدي | شركة الخليج للانتاج الفني
الفيديو الرسمي	YouTube
سنة الانتاج	2021
الطرح الرسمي	04/08/2021