عصفور
كان فيه عصفور نايم مصحيش
غربان هدوا عشه فوقيه
فاكرينه تاني مش هيطير
لا دة راح مكان احسن بكتير
وبكرا هييجي اليوم ويعود
واللي راحوا يكونوا شهود
التاريخ مكتوب مكتوب
والمحتل مهزوم هيموت
في شهيد وفيه قصاص
وفيه حساب في يوم هيترد الرصاص
لحد اما السيوف تعود مكان النار
وتستخبى كلاب وتنطق الاشجار
الدنيا اختبار الدنيا اختيار
واخواتنا اختاروا ميخافوش من الحصار
اخواتنا ابطال اخواتنا احرار
عارفين لابد في يوم تتبدل الادوار
وبكرا هييجي اليوم ويعود
واللي راحوا يكونوا شهود
التاريخ مكتوب مكتوب
والمحتل مهزوم هيموت
عصفور اعدائه ميعرفوش ان هما بيساعدوه
حتى وهما بيحاربوه واخوه لفراقه مش حزين
عارف ان الحق له مردود
ونصر الله القريب موعود
اخوه بيقاوم الاحتلال طالب نجاحه في الامتحان
باعلى درجة زي اخوه
عصفور اخواته ميهابوش
ثابتين فدا الارض الطهور
جزاء مفيش جزاء يعلوه
عصفور اعمامه في الاقفاص
مفهمش ياس من الخلاص
صفات بتدهش الاغراب
قلوب بتدرس الاخلاص
جناحات ماسورة في الحطام
الارواح في السما طيارات
مفيش منهم بخيل في رباط
بالروح والدم والاصوات
اخلاق مأثورة من الكرام
لغير الله لا ندعو
ايمان مينتابهوش شكوك
سلاح العدو لا يمحوه
نصر الله القريب موعود
الارض في الكتاب موروثة
لعباده الصالحين هتعود
عصفور صغير نايم مصحيش
غربان هدوا عشه فوقيه
فاكرينه تاني مش هيطير
لا دة راح مكان احسن بكتير
وبكرا هييجي اليوم ويعود
واللي راحوا يكونوا شهود
التاريخ مكتوب مكتوب
والمحتل مهزوم هيموت