عدى العمر
وعدى العمر مش خايف على عمري
لكن قد اللي فات عمري ما حسيته انه فات عمري
كاني ماعيشتش الماضي و ببدا من جديد عمري
الشعر اتحنى بريق الماس
والقلب باقيله كتير احساس
في ناس شافتني وحبتني
وناس نسيتها فتكرتني
وناس عشانها نسيت الناس
في الشدة بعدت وسبتني
لسة الحياة مش عارفاني امشيلها واقف في مكاني
جايز خدتني وودتني لا بعدت عنها ولا سابتني
بس السؤال اللي حير عشت الحياة ولا عاشتني
طول عمري مش عايش ليا وبعيش لناس غدرت بيا
في حزنهم ياما اتالمت وفي فرحهم ضحكوا عليا
مستغرب الدنيا وهيا عماله تلعب اوي بيا
من كتر ما انا شايف منها مابقتش خايف احزانها
وكل اللي مكتوبلي حشوفه وانا حسبي ربي عالم بيا