كلمات اغنية طال الهجر حميد العبدولي

كلمات اغنية طال الهجر حميد العبدولي مكتوبة كاملة.

كلمات اغنية طال الهجر

طال الهجر يا سيدي واتعب الحال
كني بعد فرقاك في الصدر مطعون.

اثر المفارق صعب واهواله اهوال
وانا احسب انه جرح يومين ويهون.

عقب الهجر دنياي انا ما بها امال
مثل الزهور الذابلة ما لها لون.

صوت الحزن في داخلي جر موال
والدمع في عيني يغني لك لحون.

خليتني تايه مع الهم رحال
ودعتني عاقل وصفيت مجنون.

اجلس مع العالم وانا منشغل بال
واضحك وانا مدري وش اللي يقولون.

يكفي شقا وفراق يا طيب الفال
ما عاد في قلب الشقا موقع طعون.

تعال نحيا حبنا شوق ووصال
ونعلم اهل الحب واللي يحبون.