كلمات اغنية ضيم الشعب سجاد العلاء

انا ابن الكثرن شيباته متعوب مكضيها حياته
للكبر مودي وليداته شيخوفني ورايد ارجع

اصبر جايك ابقه متاني يمك ثاري ودم اخواني
مكسور ذراع اللاواني
طكت بعد وكلشي توقع

عليمن جاي بسلاحك بعد ماخاف
وحق ضيم الشعب عن حقي ما اسكت
باجر يا فساد ادوسك الرجلين
وكبالي بكلامك تحجي وتمتمت

اي وطن صاحي وشعب مايقبل الذل
بعد من عينه تبقه انته تنزل
عراقي وغالي سعري ارخص شلون
على دمك يا فاسد يمته تخجل

انا المتعود ع الدمعة انا اليتقدم وترجعه
صوتي شكد متريد تسمعه
غصبا عنك لازم تسمع

شفنا هواي وفاضت بينا
شكد تعذبنا وضحينا
واحدكم ما يترس عينه
شكد عفتونا بحلق المدفع

من دمي شرب جان الوطن عطشان
وانطيته اخوتي واحس ماكفيت
شو حضرت جنابك ماترفلك عين
وبعينك افضالي مرة ما وكفت