كذب من قال

كذب من قال ما بحبك فيني ما اظنه حس
كانه حبنا جيشن كبير حضرته جاسوس

حبيبي طالبك لقن عذولي وحاسديني درس
ابي ترجع وتقراني من عيوني بلا قاموس

يا غالي وش تبي اكثر يا سادس هالحواس الخمس
فراقك حلم ازعجني ويجيني دوم ها الكابوس

غيابك ليل يا وجه القمر ولا يا طهر الشمس
سواد وظلمة عيى يفيد و يضوي الفانوس

تخيل انت ما تدري عن احوالي من اول امس
صار الشوق مثل الموس و ابلغ من غلاك الموس

كسرني البعد واشواقي رغم اني عزيز النفس
وصارت شوفتك حاجه تداوي قلبي المهووس

احبك احبك بس احبك بس والله احبك بس
حبي كالوتد ثابت في داخل خافقي مغروس

صدق من قال انا احبك و اللي قال فيني حس
واللي يقول ما احبك حبيبي يعتبر جاسوس

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.