ذكرى حمد
لي صاحب بيني وبينه عهد بدم القلب مكتوب
شايل معي لليوم دينه شمسه ابد ماتعرف غروب
تسال لندن عنه وينه وتسال عنه عيون وقلوب
وبكل شارع في المدينة ذكرى غرامه عنه تنوب
الشاهد الله فاقدينه والقلب من فرحته مسلوب
ياليتها ترجع سنينه وترد محبوب لمحبوب
قلب الوفي ربي يعينه من الوله والشوق بيذوب
ذكرى حمد ثمينة والعمر عقبه هوب محسوب
غالي ومتعبني حنينه يوم وصف خله برعبوب
ما خاب ظنه في ضنينه والبعد هذا كان مكتوب