كلمات اغنية خوفي كارمن سليمان و احمد اسماعيل من فيلم كف القمر

اغنية خوفي مع المطربة المصرية خوفي كارمن سليمان و احمد اسماعيل في كلمات مكتوبة كاملة حيث تقول:

خوفي تكون الندامة في غربة الاحباب
كان نفسي اقول بالسلامة طيف السلامة غاب

من كف واحد بنتفرق لخمسين كف
من حلم واحد بنتفتت ل 100 و الف
ف ماتنسانيش يا ابن ابويا مهما طريقك لف

واوعى زمانا يخونا نرجع لنا شياب
خوفي تكون الندامة في غربة الاحباب

اوعوا تتوه الخطاوي واحدة ورا واحدة
صلوا هناك الجماعة وانا هنا واحدة
الوحدة لو شتتوها نتعب من الوحدة

كلمتنا لو فرقوها نصبح سراب في سراب
خوفي تكون الندامة في غربة الاحباب

اوعاك تخاصم اخوك وتصطلح علي الغريب
او تنسى يوم دم ابوك لو بدلوه بالحبيب
لو جرحوك الليالي نور عيني هو الطبيب

وانا مين يداوي جراحي لو نور عينيك كداب
خوفي تكون الندامة في غربة الاحباب

واوعى زماننا يخوننا نرجع لنا شياب
خوفي تكون الندامة في غربة الاحباب

ضمن	فيلم كف القمر
كلمات	الشاعر جمال بخيت
الحان	الملحن احمد سعد
توزيع	الموزع الموسيقي خالد نبيل
اخراج	المخرج خالد يوسف
انتاج	المجموعة الفنية المتحدة
الفيديو الرسمي	Youtube
سنة الانتاج	2011
الطرح الرسمي	25/10/2011