كلمات اغنية خلاص ارجع محمد بن غرمان

تخايلت الظلام وحدني همي على ممساي
وكان الليل لجروح الزمان وصدك ضمادي

يواسيني ظلامي كل ما حسبت كثر اخطاي
يقول اني ادافع والخطا كله على البادي

حبيبي مارحل ماضي وابي عينك على اللي جاي
حبيبي حدني من جور صدك والجفا حادي

ابيك ترتب عتاب وبعزف لك نبنغم الناي
انا شفقان للوصل الجميل وصوتك الشادي

ابي تغني خلاص ارجع وابردد معاك غناي
اليا منا تلاقينا ابي من مفرق الوادي

يابو شعرن طويل من سواده حدني لاقصاي
اوصف فيك يا سارق قصيدي ومالك ودادي

يضيع الراي في حسن الجميع ويثبت بك الراي
بأنك شخص عادي وفارق بزينن ماهو عادي

يذوبني جمالك ذوبة السكر في كوب الشاي
وصوتك ينعش الخمس الحواس ويطرد رقادي

انا اللي اتمنى انك تمنى قربي ولقياي
وانا فدا زعفرانك من شذاك وعطرك الكادي

اما اللي ما التفت للي حكو في حبنا بقفاي
انا اول يوم شفتك فيه اعده يوم ميلادي

بلادي حسنك الطاغي وغاية مطلبي ومناي
وانا مواطن في دولة حسنك وكلي فدا بلادي