كلمات اغنية حكاية المراية سعيدة فكري
مابقاش ينفع نخبي سري عليك
يا مرايتي يا لي شفت دموعي انا فيك
يمكن تبدلت بالشكل لي يرضيك
جيت اليوم ونتي لي قوليلي كيف كنجيك
عارفة شكون غير من ملامحي
خليني نتصرف بلا ما تقتارحي
طلبك مرفوض وما غنخليك تسامحي
روحي مجروحة وما زال نقولها كافحي
وباقا جراحي باينة قد ما هي غارقة
تالمت كتير وباقا مع نفسي صادقة
ونويت الخير فالغير والصدمة كانت حارقة
قلت معليش يمكن القلوب مفارقة
جا الوقت لي الحيوط تبكي ومنبكيش
حان الاوان تقوليلي دمعي ومنبغيش
قولي شكون عاودتي عليا ومعرفنيش
وشاف جبال الريف ومتفكرنيش
فيك نشوف يا مراية سنين فاتو
قولي انتي اشنو كاتشوفي فيا
انبض قلبي لحكاية بدقاته
واش اسمعتيه اولا ما حسيتي بيا
راني مشيت بين الوديان وبالليل تونست
وسط الغابة معا الدياب جريت وماحبست
عزفت نوطات حزينة ملي وحيدة گلست
قلت كلامي بعيوني وبالرموش همست
قدامك يا مراية فراسي نشوف
تستناي مني فوقاش بالسر نبوح
انسانة رهيفة خالية من الخوف
لكن معتارفة بللي القلب مجروح
ف الماضي ديالي ذكريات وحكايات
قصص كثيرة كل وحدة كفاش بدات
قلبي بغاو يقتلوه وباقي ماماتش
وجناحي جرحوه والريشة بالدم بكات
مضرورة و ادا سقساو كننفي
نشعل شموع التيقة وريح الخيانة يطفي
حكيت غير شوية من الهم اللي مخفي
واش نزيد يا مرايا اولا لي قلت يكفي
فيك نشوف يا مراية سنين فاتو
قولي انتي اشنو كاتشوفي فيا
انبض قلبي لحكاية بدقاته
واش اسمعتيه اولا ما حسيتي بيا
| كلمات والحان واشراف عام | L7OR |
| توزيع موسيقي | MEED |
| استوديو التسجيل | Planet Production |
| مونتاج | يونس راقي |
| تصوير سينمائي | كريس تومسون |
| شكر خاص | Jeremy Goldsmith – Monsef Bouzoubaa |
| انتاج الفيديو | سعيدة فكري |
| سنة الانتاج | 2020 |
| الطرح الرسمي | 24/06/2020 |
| استماع ، مشاهدة | يوتيوب |