كلمات اغنية جرحوا احساسي ايسر القاسم

كل الجرحوا احساسي چانو ناس اثق بيهم
وكل الداسو بگلبي چنت ع الراس اخليهم

ما اتفاجا بكلشي طفى اخر امل بيه
ظلمه الدنيا بعيوني والاخبار عادية

وكل اللي ابذاكرتي اسامي مو حقيقية
كذبة وروحي جبرتني اعيش الكذبة يومية
ما اتفاجا اباحد خلص صارت طبيعية

اللي يغيب خلي يغيب تعبت وبعد ميهمني
اذا اتحبني وجبت لي اجروح ابوس ايديك لا تحبني

لان كل طعنة اذتني چانت بيها حنية
اجت من اللي امنته بس تالي غدر بيه

راح انشغل ابنفسي وابطل انشغل باحد
واروح الاخر العالم لا والله واروح ابعد

واعوف اوجوهم كلها الشفت ياما حقد بيها
بعد مافكرر اباچر على الله اخليها
هالعالم متستاهل وقت من وقتي انطيها

اذا دنياتهم حلوة تره الهم اني بانيها
ابد لا مو حچي فارغ اگول الكلمة واعنيها

لان كل طعنة اذتني چانت بيها حنية
اجت من اللي امنته بس تالي غدر بيه

راح احسب الف مره قبل اي خطوه اخطيها
اصغر شغله جرحتني تره ابالي ومناسيها

اريد اختفي من العالم واعيش ابدنيه مو هايه
واني مو مكبرها بس صار الحچي هوايه

اساسا بعد ما اگدر اثق باشخاص باعوني
احبهم چنت من گلبي وبگد حبهم اذوني

لاصابع يمي تتساوه اكيد وشفت بعيوني
ورايه لسانهم يطلع وگدامي يحبوني

على كل لحظه عايشها وعلى الايام ندموني
چنت اتمنى مو هيج النهاية وهمه جبروني
مدام انباعت العشرة ع الحب لا تسالوني

كلمات	قصي عيسى
الحان	ايسر القاسم
توزيع موسيقي	نور هاشم
انتاج	دبليو ماستر برودكشن | W Master Production
توزيع ديجيتال	شركة قنوات
سنة الانتاج	2019
الطرح الرسمي	25/07/2019