كلمات اغنية تخيلني احمد ستار
كلمات اغنية تخيلني احمد ستار اتخيلني مكتوبة كاملة
كلمات اغنية تخيلني مكتوبة
اتخيل روح مختنگة اتخيل ذكره محترگة
اتخيل گلبي بالفرگة اتخيلني
تبچي اجروحي ما تسكت واقرب ناسي متشمت
صاير اشبه الميت تخيلني
اباوع ع الدرب وابچي اني اول دمع يحچي
الدنيه انسدت ابوجهي اتخيلني
حياتي اختلفت ابهمي فراغك ساكن ابدمي
رحت والذل گعد يمي اتخيلني
گوه احجي صاير وين تسمع صوتي
واتمنى من كل گلبي بعدك موتي
بس ما اكول تدري بيه سكوتي اتخيلني
غيمه ابصيف صرت اني افراگك هيج خلاني
حتى الضحك بچاني اتخيلني
محد حاسب احسابي ولا انذكر بغيابي
اشلوني ابفرگة احبابي اتخيلني
اسمع ضحك شماتي افترت بيه دنياتي
انوح وتجري دمعاتي اتخيلني
ياهو الجاي جارحني حيل الشوگ تعبني
ادعي ربي ياخذني اتخيلني
لا ليلي انامه ولا اتغمض عيني
لحظات احسها وانت ماكو اسنيني
ما اعتقد تعرفني اذا اتلاگيني اتخيلني
اتخيلك وجه خايف اتخيل رجفه اشفايف
وما ادوخك بالسوالف اتخيلني
اكسرلك جنح طيرة وشوف اشبيها من حيرة
وضعي هيج تفسيره اتخيلني
احچي وحچيي مو نفسه يهنياله الگدر ينسه
احساسي الميت ايحسه اتخيلني
امشي خطوه واتعثر فدوه بعد ما اگدر
على حظناتك اتحسر اتخيلني
كل يوم اعيشه چنه اخر عمري
والشوگ وانت ابعيد خانگ صدري
امن الدنيا كلها ابغيبتك متبري اتخيلني
معلومات و تفاصيل
| كلمات | قصي عيسى |
| الحان و انتاج | احمد ستار |
| توزيع موسيقي | مهند غازي |
| ميكس وماستر | حسن العراقي |
| فيديو ارت | عماد العمادي |
| توزيع ديجيتال | شركة العود للانتاج والتوزيع الفني |
| سنة الانتاج | 2020 |
| الطرح الرسمي | 18/12/2020 |
| الفيديو الرسمي | يوتيوب |