بعد فترة
بعد فترة ارجع من جديد اقوة
واعوف الچان مايسوة هذيچ ايام مو حلوة
بعد فترة راح اختار اليناسب
ولا ابچي على الغايب بعد يا گلبي ما عاتب
اغير طبعي حتى ارتاح بعد ما انقهر واهتم
چنت انطي فرص للناس وراها ارجع اتندم
بس يا روحي لهنا يكفي محد مايقدر ظرفي
اصير احسن اذا عفتهم چانوا همة نقطة ضعفي
ولا اقبل ارخص روحي لو انذل
واحب العني مايسال ابد مو طبعي اتوسل
ولا اقبل امشي وي الميستاهل
واعيش ايامي متنازل خلص لهنانة ماجامل
اظل لوحدي احسن شي واكمل عمري وحداني
ملاك بوجهي كلها تصير بس بظهري شي ثاني