اوهامك
اجاني وكال نرجع كتله باوهامك
ومن راسك كرهتك بعد لجدامك
واذا بالمحكمة يطلبوني شاهد بيك
انا اول واحد يوقع على اعدامك
كلت لربي ديمه وياي اذا بي خير
لان مابيك خير وياي مادامك
انت الغيرتني هواي الك ممنون
واحد ثاني اني اليوم قدامك
بعد منك تبت هاي اذني والتوبة
اني معاشر بشر ماتنعد عيوبه
انا استاهل بشر لو غبت عنه بيوم
كون الكه وراي الدنيا مكلوبة
البشر لمن تحب ادري تدور اكلوب
بس انت التحبه تدور جيوبه
روح وشوف حالك وانتهت وياك
مايرهم وياي المو حلو اسلوبه