انه الضايع – حسين الزيرجاوي
لتامن وجع كلبك بيد الماعرف يختار
لا تامن ضحك روحك بيدك جنتك والنار
صريح يكرهك الما شاف والمامنه الوفى يظلمك
تريد الدنيا صاحب زين واقرب واحد يفهمك
وانا المحد عرف روحي عزيز وغالي بجروحي
اني امعلك الوفه بلوحي واعيش الخاطر النية
طويت بدفتر اشيائي الناس المالهم داعي
انا الصياد والراعي ومشاعر شلت وردية
تباعدنه وتناسينه وظل طعم العشك بينه
اليحب سوالفك يلكاك نفس الخطوة مرينه
على نيتي وعلى غيابك مشيت وما ادك بابك
احبك كد حجي غيابك وفي وماتنسه ماضينه
لا تامن وجع كلبك يا صاحب ضوة عيوني
الناس تريد اليضحكك بالمجيك يعموني
وانه الضايع باقرب ناس وين الصدك فهموني
ابد ماجامل احساسي انتهت منا وشوفوني