انا مش زعلان

انا مش زعلان
ولا اعرف يأس وشايل الحزن من بالي

حطام انسان
عايشها وبس ب اعد ايام وباقيالي

ما انا اللي جنيت على روحي
واخرتها بلوم روحي

في وسط النار رميت روحي
وفكرت الرخيص غالي

ماهوش بالسهل افضل عايش كده على جرحي
وكل جروحي بتيجي م الاهل

ما هوش بالسهل لما الغرب يطيبوا جرحي
وابقى كاني عدمت الاهل

كله بيضرب عالمداري
بكلام زي السم الهاري

ولازم اقول حاضر اجباري
واحايل ناس صعبة ومش سهل

كله بيلعب علي اعصابي
برصيد هم جديد ف حسابي

وقت الفرح ماعملوا حسابي
اللي فاكرهم صحبه واهل

وانا اللي قولت هاتيجوا يوم وتحسوا بيا
زرعت حب طرحلي نار ف قلوب غبيه

نسيتوا مين بيموت يوماتي عشان تعيشوا
ولما جيت احتاجتكم بتذلوا فيا

الريح عاكسني ما حد شالني ف شدتي
فايت عليكوا ما حد بص في خلقتي

يرحم زمان الكل كان بيقولي هات
لعبت معاكم ماشوفت واحد ناحيتي