الوصية
هتعبلي شوية طب ما اتعب
مهو فات الصعب وجايز الاصعب
لو حتي الحال مش ولا بد
انا واقف جنبك مش ههرب
مكتوبلي حبيبتي ومكتوبلك
لما تتعبي اتعب قبلك
دلوقتي حبيبتي ايه جد
طول عمري انا على عيبك قابلك
الكون قدامي علي فكرة
بقى اضيق من خرم الابرة
و يا دوبك عايش علي القد
مش عارف هعمل ايه بكرة
من سيء بطلع على اسوا
تخلص مشكلة مشكلة تبدا
وانا رغم اني بجد تعبت
ماضعفتش ثابت على مبدا
انا عايز اقولك على سر
انا صابر ع الحال لاني
انا عايز ابني يعيش حر
ويشوف ايام احسن مني
وصيتك يا حبيبتي وصية
دي الحاجة اللي صبرت عشانها
انا عايزه يعيش الحرية
اللي انا وانتي دفعنا تمنها