كلمات اغنية الهوى الهاب دموع تحسين
كلمات اغنية الهوى الهاب دموع تحسين مكتوبة كاملة
بيش اني احلفك بعد يلي عفت عشرتي
من عندي غار النهر گد ما اصب دمعتي
امحلفلك بالهوى الهاب بس كافي من الغياب
دگة گلبي والباب احسهن شوگ
گلبي اكثر بالبعاد يزيد ابحبك اعناد
ريشة احس صرت عاد وطرت ليفوگ
يا روح مشتاگ واحن واتمنى يرجعلي
مجروح انزف والملح عينة تباوعلي
عشت حال مينگال غريب وبالعشگ عايش متاهة
عشت خوف ولا اشوف
واحس روحي تون مدري شجاهه
شباقي بية لتگول ساعة بساعة مشغول
نفس بية اني ماطول الك معشوگ
اقسم باللي سواك اخلص عمري وياك
شوية شوية بجفاك السنين تبوگ
معذور اعثر بالدرب لو خطوة امشيلي
مقهور وافرح لو خبر منك توديلي
واذا اموت اضم صوت يدليك بمكاني لو تضيعة
واذا ضاع مينباع عشگك للابد لتظن ابيعة
وجهك مرني بالطيف وداس بگلبي ع الكيف
حسرة تعادل الصيف بصدر مخنوگ
يعلم ربي بالحال ناسي راحة البال
لغيرك بيها اشكال ابد مالوگ
بالعين رسمك منمحة وغيرك ميعجبني
بعدين بس انت المهم بالناس التحبني
شنو الكون ترة يهون اذا مو انت يمي مااريدة
يل اهواك ماانساك قريبة النجمة بس انسة بعيدة