النهايات اخلاق
بعد ما فكرنا كتير وتعبنا من التفكير
في الاخر مارتحناش ووصلنا لحل اخير
اننا مش متفقين واحنا الاتنين عارفين
انها مش نافعة خلاص بنعاند بس في مين
ومادام اخرتنا فراق يبقي النهايات اخلاق
نفضل فاكرينها بخير ماهو اصلنا مش في سباق
ودي مش معناها رجوع ماتغيرش الموضوع
حسسني ان انت تمام ومتقفلهاش بدموع
كدة احسن ليا وليك والايام هتنسيك
واحد جربت معاه مطلعش مناسب ليك
ويا عالم بعد سنين هنعيش ونقابل مين
مش يمكن بكرة نكون من حق اتنين تانيين