الكريات الحمر
زعلان كالولي وكلت لا مني ابد ما يزعل
البارحة بكلبه جنت فد شفت روحي مدلل
وطبيت انا بصدره وشفت شغلات كلش زينة
وشحجيلكم من دورت عل بيني وما بينه
شكد حلو كلبه من يدك اسمع بكل دكه اسمي
وشفت الكريات الحمر تشبه فصيلة دمي
شحجيلكم عن النفس شفته بهواه يشمني
وسالت احساسه شيحس جاوبني حيل يحبني
الله كلش كيفت من شفت روحي مدلل
عوفونه من قلبه الجسم عوفونه من احساسه
دورت عقله بلا عقل ما شفت غيري براسه
وبعيونه كلش ركزت بس صورتي بعيونه
اني الوحيد اللي طلعت ميعيش ابد من دونه
من يحجي بيه لاحظت بثنين ايده يلزم قلبه
لا يوكع اللي بهل كلب كلش حريص بحبه
تحركون دمي بهل جذب ما بي زعل مو شفته
من كلشي بيه اتاكدت حتى النبض جيكته
الله من بعد القلق شكد شفت روحي مدلل
الله كلش كيفت من شفت روحي مدلل