اكبر غلط
اكبر غلط عاشرنا عالم للاسف كذبة حبهم
جوانا چانوا بس گلبنا المشكلة رجعنة الهم
والله وعلينا اتكبروا واتغيروا ويانا
صعدوا على اچتافي ونسوا چانوا امس جوانا
يا كلبي لا تعاشر بعد هالعالم التعبانة
كلمن نطولو يا خلگ طول علينا نسانا
لو ندري بس شبي گلبنا شگد يحن ع المايسوى
ضاع العمر بين الخيانة والغدر والله بلوة
ليش الما يستاهل دمع نبجيله نار ودمعة
و ال طبعه يغدر بالعشگ ما اظن يغير طبعه
اللي نداويهم عمر منهم تجينا الوجعة
ببيوتنا اكلوا ملح ويشوهون السمعة
راحوا بعد والعشرة ضاعت وانتهت من ظلمهم
يا ربي لا تجمعني بيهد للابد ولا بالمثلهم
ما نريد نعتب ع البشر ما نسولف ولا كلمة
ما دام ما يفيد الحچي كلمن يحير بهمه
نعشگهم احنا اكبر عشگ صدمونا اكبر صدمة
نعمة احنا لكن يم بشر ما يقدرون النعمة