كلمات اغنية اسمر يا اسمراني عبد الحليم حافظ
من فيلم : الوسادة الخالية
كلمات : الشاعر اسماعيل الحبروك
الحان : الملحن كمال الطويل
تاريخ الطرح الرسمي : 1957
رابط فيديو الاستماع : Youtube
اسمر يا اسمراني مين قساك عليا لو ترضى بهواني برضه انت اللي ليا
بتزيد عذابي ليه ويهون شبابي ليه
وتطول غيابك ليه قولي ليه ناسي ليه ليه يا اسمر
يا اسمر قلبي في نار عذابي ونار ظنوني
يا اسمر فكري احتار الشوق ضناني سهر عيوني
والجرح اللي في قلبي ازاي اداويه والدمع اللي في عيني لامتة اداريه
لا انا بشكي ولا بحكي بس قولي يا حبيبي
قالولي الناس هواك حيرة وقولت احتار عشان خاطرك
تحيرني تسهرني كفاية اخطر على فكرك
وانا راضي بحرماني وحيرتي ويا اشجاني
دة الحب اللي انا شوفته يوم وياك فرحني ونساني ازاي انساك
لا انا بشكي ولا بحكي بس قولي يا حبيبي
انا شاري هواك يا اسمر بروحي وفرحتي وعمري
وايام حلوة عشناها راحت وانقضت بدري
ياريت ترجع لياليها وانا وانت نعيش فيها
والقلب اللي شغلته سنين بهواك لوعته وضيعته وقولت فداك
لا انا بشكي ولا بحكي بس قولي يا حبيبي