احلفلك عهد

احلفلك عهد للموت لا املك ولا اعوفك

عمت هاي العيون بيوم اذا ماتقبل تشوفك

بدينا اثنينا المشوار وياما من البشر شفنا

و عالخط ياما دخلت رادت بس تفاركنا

انا شذرة عقيق اصلي بس تلوق لجفوفك

احلفلك عهد للموت لا املك ولا اعوفك

تعرفني واعرفك زين نتفاهم من النظرة

بيا مغزرة احلى ايام وبيك مغزرة العشرة

الله يدومها ومتزول وفاك وهاي حنيتي

يا شريان اليوزع الدم يا بعد اهلي وبعد بيتي

انا شذرة عقيق اصلي بس تلوق لجفوفك

احلفلك عهد للموت ماذلك ولا اعوفك

كلمة وتدري بالرجال لمن يوعد بكلمة

مايخلف وعد للموت هيج يبين الزلمة

ابقى وياك رمش وعين ماخذلك ولا لحظة

طبع فلاح صرت وياك يموت وماترك ارضه

انا شذرة عقيق اصلي بس تلوق لجفوفك

احلفلك عهد للموت ماملك ولا اعوفك

اكتشفنا وجود اداة منع الاعلانات AdBlocker في متصفحك,
يرجى تعطيل هذه الاداة حتى تتمكن من تصفح الموقع وقراءة المحتوى.