احبك خايب
ابن امي انت وكوني يمناي عشرة عمري
مو صاحب انته وعابر هذا اليدك بصدري
غانيني عن الدنيا كاضيلي كومة طلايب
عايش وياي بروحي كلش احبك خايب
تنطلب وتسد ديني بالشدة قبلي تطلع
ما شفت مثلك صاحب شايل الدعوة مربع
زلمة وبالحجي مكلف هنياله المثلك خلف
هذا الخوف لو شافك يوكف يمك مجتف
تجاية انتة وضلعي لجلك اضحي بعمري
اخوي انت وروحي وحزام تبقى بظهري
حافظني تدري شبية مثلك بشر ما شايف
حتى خيالي بكدك ويايه ابد ما واكف
شلتك خوي بعيني وياك احس مقصر
يومية اشوفك صاير بعيوني اكثر تكبر
زلمة وبلحجي معدل ماخذ علزلم الاول
بهاي الدنيا ماكو انسان يمك كدر يتمرجل