على الله
ادخل على الله من غيابه وانا حي
واستغفر الله من سبايب غيابه
يا قبلة الله ما مثل شوفته زي
شكواي لله ما بقى الا سرابه
منهو يصدق غيبته من ولا شي
هذا بلا قلبي وهذا مصابه
غيابه اللي كسر الشوك بيدي
ما كنت قبل اليوم حاسب حسابه
القلب والله تايه وصابه الغي
يعينه الله تاه من حر ما به
لكن على الله والليالي بها ضي
يجيبه الله كان ما الشوق جابه
على انتظاره ما يجي صفحته طي
في البال صفحاته وقلبي كتابه
على امل باقي بقلبه لو شوي
للي تعذب من نتايج غيابه