صعبة الايام
صعبة الايام يا حبيبي فبعدك عني كفاية
مش عايز غيرك مالدنيا وعايزك ويايا
بعدك بيموت فيا ويوجع قلبي تعالى
يلي انت فارقت فلحظة وسايب قلبي فحالة
عاجبك بقي حالي وحرقة قلبي اللي انت فارقته
البعد هزمني قتلني ماكنش يا غالي فوقته
قلبك كان طيب بيطبطب على قلبي في ضيقته
وبكلم نفسي في بعدك وهتوحشني خلاص
الناس بتواسي تقول معلش وانا اللي بعاني
اول ما بنام انا بحلم بيك واصحي واحد تاني
عمرك ماتغيب عن بالي وسيرتك اهي فلساني
شايفك قدامي انا كل ما ابص فعين الناس
الدنيا فعيني اختلفت وانت بعيد عن عيني
صوتك كان اللي يطمن كان سهل يهديني
لو كلمة بسيطة بصوتك بس كانت ترضيني
فينك دلوقتي يا نور عيني تهونها وفيني
جوايا كلام والام بتهد وقلبي واجعني
احساس الوحدة بيقتل فيا ومضيعني
كان نفسي تسلم بس انشالله كلام فرسالة
او حاجة من ريحتك حتي اكلمها وتسمعني
مقفوله عليا حياتي وخايف اكمل فيها
ماهو اصل غيابك عني فلحظة بقي مطفيها
ولا حاجة فايديا اعملها تخليك لسة معايا
غير ذكري ما بينا تقويني وبتصبر بيها