دقيقة
تكفى طلبتك روحي انا طلبتك
ان كان ولابد نتفارق دقيقة
ماتاخذ كثير وقتك فيها
دمع صوتي يقول الحقيقة
وانا الذي عمري ابد ماسالتك
اسالك تنقذ روح يا هي غريقة
الروح تفقدني لو اني فقدتك
يرضيك روحي تطلع بها الطريقة
قلب بيفهم لك مثل مافهمتك
وكف رقيقة في المصاعب صديقة
مااظن بتلاقي وانا اللي وهبتك
حب عهوده من قديم وثيقة
حضن حضنتك فيه صادق حضنتك
عسى حضن عيناك ماشي يعيقه
واحد بعد تسعين عذر عذرتك
وان خلصن لومت نفسي بضيقه
بيوصلك حكي على اني تركتك
وبيوصل لسمعي حكي مااطيقه
بنرد بابلغ شي صمتي وصمتك
وتبقى محبتنا بعيدة وعميقة
احد تمنى بداخله لو هجرتك
وحد تمنى تشوف غيري رفيقة
ظني في ظنك وافي من عرفتك
وظنك في ظن الخود شمس الحقيقة