تنحني الورود
تنحني الورود خجلا من جمالك
والصباح يهمشه طلت جبينك
الترف والزين يحسب من حلالك
مالكنه ملك في قبضت يمينك
عن جميع الحور يا مكثر دلالك
والعجب والموت في خدك وعينك
الفرح والخير في فتنة جلالك
والسعد مقرون في غرة جبينك
اعتنقت الزين يوم انه عنالك
ياكثر زينك وكثر مرشحينك
كم افكر فيك واتمنى خيالك
كلي وعقلي واحاسيسي رهينك
يابخت من كنت في حظه ونالك
واستوى من دون قرابك قرينك
كل همسات المشاعر في نوالك
شوفني وارحم ويرحم والدينك