كلمات اغنية يا حسرة عليك يا دنيا حمزة نمرة و امين بابيلون من برنامج ريمكس الموسم 3

كلمات اغنية يا حسرة عليك يا دنيا حمزة نمرة و امين بابيلون من برنامج ريمكس الموسم 3 هي للفنان كمال المسعودي ، ومن تاليف الشاعر الجزائري ياسين ابو عابد ، لحن مجدد حمزة نمرة ، انتاج سنة 2020.

كلمات اغنية يا حسرة عليك يا دنيا حمزة نمرة و امين بابيلون من برنامج ريمكس الموسم 3 مكتوبة كاملة

يا حسرة عليك يا دنيا فيك حكاية وحكايات
ساميني واقعدي حدايا واحكيهم لي بثبات

علاش هكذا حاقدة وسمية تظلي تبدلي في الصفات
تعذبي فيا غير بالشوية عييت من عذابك بركات

تلعبي بيا ولا معايا جاوبيني علاش هذ السكات
قالولي عليك مسرحية انا المسرح سكنلي في الذات

التذكرة خلصتها غالية اديت معايا شي وردات
دخلت للقاعة صفقوا عليا طلع الستار والضو طفات

لقيت روحي في تمثيلية والديكور خوف ودموع
طمعتيني ودرتي عليا عندي جدي بصح مات

شحال من سلطان كان في دنيا جيوش لامروا طيعات
مال وعز قصور وسرايا العسة عليه بالاولوفات

غفل غفلة تقلبت الحية في ليلتو ماصاب وين يبات
ذوقتي فلان عسل وفاكية وفلان شمختيلوا الفتات

فلان ڨلعتيلو الذرية وحياتو من الفرحة خوات
فلان طلق زوجتو المسكية زعف كي جابتلو البنات

المسجون يرجو الحرية بالدقيقة يحسب الاوقات
الشهار يحلم بالشهرية يا حليلو مولى وليدات

كبدة لميمة مشوية واش سهرت وواش ربات
على وليدها بدل جنسية عجبو زين الروميات

خلى يماه وحدانية من الحرقة والبكاء تعمات
باش يبين الرجولية بعثلها زوج محرمات

تفاصيل و معلومات

من برنامج ريمكس الموسم الثالث
كلمات ياسين ابو عابد
المغني الاصلي كمال المسعودي
تجديد لحن حمزة نمرة
انتاج التلفزيون العربي
الفيديو ليريكس يوتيوب
السنة 2020
الطرح 13/03/2020
اعجبتني، أود التعليق عليها!