وهكذا

وهكذا الدنيا غاغة ومنتزه

عصفور جناحه ريشة فضة وريشة نور
وعشه عود من تمر حنة وعود بخور

وعوده ناحل م الضنا بين الطيور
ممنوع يغني غنوته الا اذا

والصقر طايح في الفضا زي القضا
باسط جناحه ع المساكن والفضا

كل الطيور بتبصله بعين الرضا
رقص الغوازي للملوك يا حبذا

ناس قبلنا قالوا كلام يا للعجب
ع الاصل دور حتى فى امور النسب

مفيش جريمة بترتكب من غير سبب
ولا فيش وليد بيتفطم على الاذى