اسرار بوحي

كلمات اغنية اسرار بوحي وليد الشامي

اه يا شوقي لشوفك يا غناتي
ليت يوحي نبض گلبك وانت توحي.
في غيابك افقد احساسي وذاتي
ليت تسمع نوح گلبي ولا نوحي.

انت اول واخر انسان بحياتي
منهو غيرك يستحق گلبي وروحي.
يا سعادة روحي و بسمة شفاتي
يا اول احلامي و يا اخر طموحي.

انت عمري وانت اغلى امنياتي
انت طبي لو تحدتني جروحي.
لك خفوقي لك حياتي لك مماتي
انت شمسي وانت غيمي وانت دوحي.

يا غرامي يا عذوبة مفرداتي
فيك صمتي يستفز اسرار بوحي.
في كتابي انت احلى ذكرياتي
من غموضي لين ما توصل وضوحي.

في عيونك هيبة تزلزل ثباتي
في حنانك رقةٍ تبني صروحي.
في عتابك كل ماضي صار اتي
في ابتسامك طيبة الوجه الصبوحي.

من صفاتك صرت استعذب صفاتي
واسمع اخر بيت من شعري وبوحي.
يا حلاتك ولا اگلك يا حلاتي
لان روحك ساكنه في روح روحي.