همس المحبة
كلمات : الشاعر مانع بن سعيد العتيبه
الحان : الملحن حسين الجسمي
توزيع موسيقي : الموزع زيد عادل
ميكساج وماسترينغ : مهندس صوت جاسم محمد
ايقاعات : المايسترو سمير القطان
تاريخ الطرح الرسمي : 05/02/2019
رابط فيديو الاستماع : Youtube
همس المحبة عند سيد المحابيب تهدي زوايا الحب انس ومسرة
همس معاه الوقت وقلوبنا تطيب باحساسنا انحلق حوالي المجرة
ريف العذارى فيه نفحة من الطيب يدمن عليه الصب لي شم مرة
ومنادم الاحباب ما داخله عيب ساعة صفا والحاقد ايموت حره
الا الحبيب اللي لزيم المواجيب لي صار ما بين الحنايا مقره
الطيب الغالي وسيد الغراشيب ورد المحبه في مداري يذره
نوره كأن الشمس من قبل المغيب والا قمر والداج خلفه يجره
يمشي وساقه مثلما نزغة الحيب يخضر قاع ان تخطر ومره
كيف اوصفه ووصفه فنون وتعجيب بين اللآليء يحسب الزين دره
من عينه النعسا ترى العاشق ايشيب وممكن على العاقل تسبب مضره
غالي ورد في اليوف عذب المشاريب صار الوحيد اللي بحبي ابره
راس الامل والحلم واغلى المطاليب اللي فؤادي بلسم الحب غره
كل ما افتح عينه ثنيت الترحيب وزاد المحبة في فؤادي اشره
الحب له تقدير عندي وترتيب نزيه خالي من عتاب وتشره